Մեր մասին

Տիգրան Գրիգորյանը քաղաքական վերլուծաբան է։ Նա մասնագիտացած է անվտանգության, ժողովրդավարական անցումների ու աշխարհաքաղաքական փոփոխությունների հետ առնչություն ունեցող հարցերում։ Նա պարբերաբար գրում և խոսում է տարածաշրջանային զարգացումների մասին Սիվիլնեթում։ Գրիգորյանը նախկինում աշխատել է Հայաստանի անվտանգության խորհրդի գրասենյակում։ Նա տարիներ շարունակ ուղղակիորեն ներգրավված է եղել Արցախում ժողովրդավարական զարգացման գործընթացի մեջ։ Գրիգորյանը մագիստրոսի աստիճան է ստացել Մեծ Բրիտանիայի Արևելյան Անգլիայի համալսարանից։

Դոկտոր Կարինա Ավեդիսյանը քաղաքագետ է։ Նա մասնագիտացած է ավտորիտարիզմի, ինստիտուցիոնալ զարգացման և Եվրասիայում քաղաքացիական հասարակության ուսումնասիրության վրա։ Տիկին Ավեդիսսյանը քաղաքական հաղորդկացության, ապատեղեկատվության և ռազմավարական պատումների ստեղծման թեմաներով խորհրդատվություն է տալիս տարբեր կառավարությունների, հասարակական կազմակերպությունների ու միջազգային կառույցների: Նա նախկինում որպես գիտաշխատող աշխատել է Հարավային Կալիֆորնիայի համալսարանում և Բիրմինգեմի համալսարանում։ Նա համագարծակցում է Գյոթենբուրգի համալսարանի V-Dem ինստիտուտի հետ։ Ավեդիսսյանի հոդվածները հրապարկվում են ինչպես գիտական պարբերականներում, այնպես էլ այնպիսի հայտնի լրատվամիջոցներում, ինչպիսիքն են The Guardian-ը, Al Jazeera-ն, the Moscow Times-ը և EVN Report-ը։ Նա նաև Մեծ Բրիտանիայի Royal Society of Arts-ի անդամ է։ Ավեդիսսյանը 2015-ին քաղաքագիտության դոկտորի աստիճան է ստացել Բիրմինգեմի համալսարանի Ռուսական ու արևելաեվրոպական հետազոտությունների կենտրոնից։

Տաթևիկ Ղազարյանը քաղաքագետ է , մասնագիտացել է ընտրական գործընթացներում մասնակցելով տարբեր երկրների ընտրական դիտորդական առաքելություններին, ինչպես նաև վերապատրաստումներ է անցնում ENEMO-ում և EPDE-ում։ Փորձագիտական աշխատանքներ է տանում Տեղական ինքնակառավարման մարմինների հետ, դասընթացներ վարում մարզերում այդ թվում նաև երիտասարդական թեմաներով։ Տիկին Ղազարյանը քաղաքացիական ակտիվիստ է, մասնակցել է տարբեր քաղաքացիական ակցիաների։ Մագիստրատուրան սովորել է Երևանի պետական Համալսարանի Տարածաշրջանային քաղաքականություն բաժնում ուսումնասիրել Հարավային Կովկաս տարածաշրջանը քաղաքական-տնտեսական-իրավական դիտանկյունից ինչպես նաև այլ պետությունների դերակատարումն այս տարածաշրջանում։ Աշխատել է Ազգային ժողովում, որպես պատգամավորի օգնական, այնուհետև Թրանսփարենսի ինթերնեյշնլ հակակոռուպցիոն կենտրոնում, որպես ընտրական ծրագրերի համակարգող և հակակոռուպցիոն կրթական ծրագրերի օգնական։ Ընդգրկված է նաև Քաղաքականության հետազոտական կենտրոնի հետազոտական աշխատանքներում։

Project Management է սովորել բիզնեսի զարգացման դպրոցում, աշխատանքային փորձ ունի Waterfall և Agile կառավարման մեթոդներում։ Ղեկավարել է մի շարք ծրագրեր ՀԿ և ՏՏ ոլորտներում։

Հայկ Խանումյանը ավարտել է Երևանի պետական համլսարանի միջազգային հարաբերությունների ֆակուլտետը, մասնագիտացել է նաև եվրոպական ուսումնասիրությունների գծով Ստրասբուրգի համալսարանում։ 2015-2020 թվականներին եղել է Արցախի Ազգային ժողովի պատգամավոր։ 2020-2022 թվականներին զբաղեցրել է Արցախի Տարածքային կառավարման և ենթակառուցվածքների նախարարի պաշտոնը։ ԺԱՏԿ-ում Հայկը կենտրոնանում է արցախցի փախստականների ինտեգրման խնդիրների վրա։

Էդուարդ Առաքելյանը ռազմական վերլուծաբան է։ Մասնագիտացած է տարբեր երկրների հետ Հայաստանի ռազմա-տեխնիկական համագործակցության, անվտանգության համակարգի դիվերսիֆիկացիայի, Զինված ուժերի բարեփոխումների, զինատեսակների բնութագրերի թեմաներում։ Նա նաև Ադրբեջանի փորձագետ է և հետևում է այդ երկրի ներքաղաքական, արտաքին քաղաքական, տնտեսական և էներգետիկ զարգացումներին։ Նախկինում աշխատել է պետական համակարգում որպես փորձագետ։ Եղել է ArtsakhNow․am կայքի խմբագիրը։ Էդուարդ Առաքելյանը հոդվածներ է գրում նաև Սիվիլնթեի համար։